Wednesday, June 16, 2010
Saikatham June 2010 Amukham
സാംസ്‌കാരികമായി നോക്കിയാല്‍ ഇന്ത്യയിലെ ഏറ്റവും തലയെടുപ്പുള്ള സംസ്ഥാനങ്ങളില്‍ മുന്‍നിരയില്‍ തന്നെ നില്‍ക്കും കേരളം. ഉയര്‍ന്ന സാക്ഷരതാ നിരക്കും സമ്പന്നമായ സാഹിത്യ സംസ്‌കാരവും ആരോഗ്യകരമായ ജനാധിപത്യ സംവിധാനവും മുഖമുദ്രയായിരുന്ന നമ്മുടെ സംസ്ഥാനത്തിന് ഭാവിയില്‍ അസഹിഷ്ണുതയുടെ തലസ്ഥാനമായാണോ അറിയപ്പെടേണ്ടി വരുമോ എന്ന ഭീതി അസ്ഥാനത്തല്ല എന്നു തെളിയിക്കുന്നതാണ് കുറച്ചു കാലമായി നമ്മുടെ സാമൂഹ്യ മണ്ഡലത്തില്‍ അരങ്ങേറുന്ന സംഭവങ്ങള്‍. ബിഹാര്‍, ഉത്തര്‍ പ്രദേശ് തുടങ്ങിയ സംസ്ഥാനങ്ങളിലെ ക്രിമിനല്‍ സംഭവങ്ങള്‍ വാര്‍ത്തകളായി മാത്രം അറിഞ്ഞ നമുക്ക് അതിന്റെ ചില മിനിയേച്ചര്‍ പതിപ്പുകള്‍ കാണേണ്ട ഗതികേടും വന്നിരിക്കുന്നു. ഈ ചങ്ങലയുടെ ഒടുവിലത്തെ കണ്ണിയാണ് സി ആര്‍ നീലകണ്ഠന്‍ സംഭവം. ആശയത്തെ ആശയം കൊണ്ടും പ്രവൃത്തിയെ സംശുദ്ധമായ പ്രവൃത്തി കൊണ്ടും എതിരിടുന്ന ആര്‍ജവത്തിന്റെ സംസ്‌കാരം കേരളത്തിനു നഷ്ടമായിക്കൊണ്ടിരിക്കുകയാണ്. രാഷ്ട്രീയ രംഗത്തു മാത്രമല്ല, സാംസ്‌കാരിക മേഖലയിലും ഈ അസഹിഷ്ണുതയുടെ അടയാളങ്ങള്‍ പതിയെപ്പതിയെ തെളിയുന്നത് ആശങ്കയോടെ കണ്ടു നില്‍ക്കേണ്ടി വരുന്ന ഗതികേടിലാണ് നാമിന്ന്. നമ്മുടെ ആശയങ്ങളും മറ്റൊരാളുടെ ആശയങ്ങളും, അവ തമ്മിലുള്ള സമവായം അല്ലെങ്കില്‍ ആരോഗ്യകരമായ വൈരുദ്ധ്യം എന്നിടത്ത് നമ്മുടെ ആശയവും അന്യന്റെ ആശയവും, അവ തമ്മിലുള്ള ഒരിക്കലും നികത്താനാകാത്ത അകലം എന്ന നില വരുന്നു.
ജനാധിപത്യം എന്നത് ഒരു ഭരണ സംവിധാനം മാത്രമല്ല. ജനങ്ങളുടെ ഹൃദയത്തില്‍ ആഴത്തില്‍ പതിയേണ്ട ഒരു സംസ്‌കാരം കൂടിയാണ്. ഏറ്റവും സൂക്ഷ്മമായ മനുഷ്യ ബന്ധങ്ങളില്‍ പോലും പ്രതിഫലിക്കേണ്ട അത് ബ്രഹത്തായ മണ്ഡലങ്ങളില്‍ നിന്നും അപ്രത്യക്ഷമാകുമ്പോള്‍ അസ്വസ്ഥതയുടെ വാര്‍ത്തകള്‍ക്ക് നാം ചെവി കൊടുക്കാന്‍ നിര്‍ബന്ധിതരാകുന്നു. സ്വയം അറിയാതെയെങ്കിലും നാം അതിന്റെ ഭാഗമായി മാറുകയും ചെയ്യുന്നു എന്നിടത്താണ് ഈ ദുരന്തം പൂര്‍ത്തിയാകുന്നത്. ഒരു മാറിനടപ്പ് അസാധ്യമല്ല, അനിവാര്യം തന്നെയാണെന്നിരിക്കേ ആര്‍ക്കു വേണ്ടിയാണ് നാം ഈ സംഘര്‍ഷങ്ങളുടെ അഗ്നി ഭക്ഷിക്കുന്നത്‌.
Saikatham May 2010 Contents
| സൈകതം മെയ് 2010 | ലക്കം - 2 | പുസ്തകം - 1 |
ലേഖനം
വി. മുസഫര്‍ അഹമ്മദ്‌
ചില വര്‍ഷങ്ങളായി മരുഭൂമിയുടെ ഉള്ളറകള്‍ തേടി അലയവേ അതിന്റെ നിഗൂഡതയും പൗരാണികതയും തന്നെയാണ്‌ ആകര്‍ഷിച്ചു പോന്നത്‌. ഒരു പക്ഷെ അതിലും പൗരാണികമായത്‌ ജലമാണെന്നാണ്‌ ശാസ്‌ത്രം പറയുന്നത്‌. കടല്‍ പിന്‍വാങ്ങിയ ഇടത്താണ്‌ മരുഭൂമിയുണ്ടായത്‌ എന്ന്‌ സിദ്ധാന്തം വളരെ പ്രബലവുമാണ്‌. പഴക്കമുള്ളതിനെയെല്ലാം പുതുതലമുറയിലുള്ളവര്‍ തള്ളിക്കളയുന്നുവെന്ന്‌ ഒരിക്കല്‍ ചൂണ്ടിക്കാട്ടവേ, മലയാളത്തിന്റെ എക്കാലത്തേയും മഹാനായ എഴുത്തുകാരന്‍ ബഷീര്‍ പറയുകയുണ്ടായി, ജലം ഏറ്റവും പഴയ വസ്‌തുവാണ്‌, പുതുതലമുറക്കാര്‍ക്ക്‌ പഴയത്‌ വേണ്ട എന്നാണെങ്കില്‍ അവര്‍ വെള്ളം കുടിക്കാതെ തങ്ങളുടെ പുതുമക്കുവേണ്ടിയുള്ള വാദഗതി ഉറപ്പിക്കട്ടെയെന്ന്‌. പഴയ കാലത്തേ മനുഷ്യന് ദാഹിച്ചിരുന്നുവെന്നാണ്‌ ബഷീര്‍ അതിലൂടെ പറഞ്ഞത്‌. ഇന്നത്തെ മനുഷ്യനും ദാഹിക്കുന്നുവനാണ്‌.
| ലേഖനം | കഥ |
| മരണസഹായി | |
ദേവദാസ് വി. എം. | |
| ആര്‍ക്കും വേണ്ടാത്ത കുട്ടികളുടെ മാനിഫെസ്റ്റോ | നീലക്കുറിഞ്ഞികള്‍ പൂക്കാത്തതെന്തുകൊണ്ട് |
കവിത | |
| എസ്. കലേഷ് | മഴ |
| സുനില്‍ കുമാര്‍ എം. എസ്. | കുട്ടി |
| പ്രദീപ് പേരശ്ശന്നൂര്‍. | |
ക്രിസ്‌പിന്‍ ജോസഫ്, ബിനു എം പള്ളിപ്പാട്‌ | |
കാര്‍ട്ടൂണ്‍ | |
Saikatham May 2010 Aamukham
വിലയ്ക്കു വാങ്ങാം എന്നത് ബിമല്‍ മിത്രയുടെ നോവല്‍ മാത്രമല്ല, പുതിയ കാലത്തിന്റെ കീവേഡ് ആണ്. വിപണന സാധ്യതയുടേയും ഉപഭോഗ സാധ്യതകളുടേയും ഇടയ്ക്കു കുടുങ്ങിപ്പോയാല്‍ ജീവിതം അവിടെ സ്തബ്ധമാകും. നിശ്ശബ്ദമാകും. ഇവയുടെ നൈരന്തര്യമാണ് അസ്തിത്വമെന്നത് ഒരു പാഠപുസ്തകത്തിലും കിട്ടാത്ത അറിവ്.
കലയും കായികവിനോദങ്ങളുമൊക്കെ മനുഷ്യന്റെ ഹൃദയശുദ്ധീകരണമാണ് ലക്ഷ്യം വയ്ക്കുന്നതെന്ന കാഴ്ചപ്പാടിനെ പൂച്ചക്കുഞ്ഞുങ്ങളെ നാടുകടത്തും പോലെ ഉപേക്ഷിക്കേണ്ട ഗതികേടിലാണു നമ്മളിന്ന്. ആ ചിന്തയില്‍ അവസാന ആണിയടിക്കുകയായിരുന്നു ഐ പി എല്‍ വിവാദങ്ങള്‍. കളിയുടെ സൗന്ദര്യ ശാസ്ത്രമോ ആഹ്ലാദ മേഖലകളോ അല്ല, പണക്കൊഴുപ്പും രാഷ്ട്രീയ സ്വാധീനവുമാണ് കാര്യങ്ങള്‍ തീരുമാനിക്കുകയെന്ന് നമ്മളെ ഒന്നു കൂടി ബോധ്യപ്പെടുത്തി ആ വിവാദങ്ങള്‍. ക്രിക്കറ്റ് പോലെ വശ്യതയാര്‍ന്നതോ പണം ഉള്‍പ്പെട്ടതോ അല്ല കല എന്നതു കൊണ്ടു മാത്രം ഒരൊറ്റപ്പെട്ട തുരുത്തു പോലെ അത് നിലനില്‍ക്കുന്നു. വല്ലപ്പോഴും ചില പച്ചപ്പുകള്‍ ഉയിര്‍ത്തെണീക്കുന്നു. അല്ലായിരുന്നു എങ്കില്‍ ഓരോ വാക്കും കച്ചവട വസ്തുക്കളായേനെ.. ഒാരോ ബിംബത്തിനും ചരക്കുകളുടെ സ്വഭാവം കൈ വന്നേനേ..
വിരല്‍ ചൂണ്ടേണ്ടേ .. ഒരിക്കലെങ്കിലും, മനുഷ്യത്വം മാഞ്ഞു പോകുന്ന ഈ ലോകത്തിനു നേരേ...
CLICK HERE TO READ
Saikatham April 2010 Contents
|| ഏപ്രില്‍ 2010 | ലക്കം - 1 | പുസ്തകം - 1 ||
ലേഖനം
|
കഥ
|
രഘുനാഥന്‍ പറളി
| |
| മിന്നല്‍ പിണര്‍, വിളി | |
കവിത
| |
| എഴുത്തനുഭവം | |
|
|
Saikatham April 2010 Amukham
വായനയുടേയും എഴുത്തിന്റേയും ഒരു പുതു വസന്തമാണ്‌ ഇതെന്നു പറഞ്ഞാല്‍ വിയോജിപ്പിന്റെ സ്വരങ്ങള്‍ ഉയരുന്നത്‌ ഒരിടത്തു നിന്നു മാത്രമാകില്ല. ആശയക്കുഴപ്പങ്ങളുടേയും സൃഷ്ടിപരമായ സന്ദിഗ്‌ധതകളുടേയും ഇക്കാലത്ത്‌ ഗൃഹാതുരമായ ഒരു നഷ്ടബോധത്തില്‍ കാല്‍പനികമായി അഭിരമിക്കാനായിരിക്കും നമുക്കു താല്‍പര്യവും. ശരിയാണ്‌. രചനയില്‍ വലിയ മാറ്റങ്ങളുടെ, വലിയ വിസ്‌മയങ്ങളുടെ കാലം കഴിഞ്ഞിരിക്കാം. ആ വിസ്‌മയങ്ങള്‍ വായനയിലും പ്രകടമാകുന്നുണ്ടാകും. പക്ഷേ ചെറിയ വിപ്ലവങ്ങളെ, ആവിഷ്‌കാര മാധ്യമങ്ങളില്‍ വന്ന അഭൂതപൂര്‍വമായ വൈവിധ്യങ്ങളെ കാണാതിരിക്കാന്‍ നമുക്കാവില്ല. പൊതുസമൂഹത്തിന്റെ ജനാധിപത്യ സ്വഭാവത്തില്‍ എത്ര കുറവു വന്നാലും എഴുത്തിലും വായനയിലും ജനാധിപത്യ ബോധത്തിന്റെ പുത്തനുണര്‍വാണു ദൃശ്യമാകുന്നത്‌. സ്വന്തം രചന പ്രസിദ്ധീകരിച്ചു കാണാന്‍ ആകാംക്ഷയോടെ കാത്തിരുന്ന ഒരു തലമുറയിലെ അംഗങ്ങള്‍ക്ക്‌ പതിയെ വംശനാശം സംഭവിച്ചു കൊണ്ടിരിക്കുന്നു. സാങ്കേതികതയുടെ ഏറ്റവും സൃഷ്ടിപരമായ ഒരു ധര്‍മ്മം ഒരുപക്ഷേ വായനയുടേയും എഴുത്തിന്റേയും പരിമിതമായ ലോകത്തെ വികസിപ്പിച്ചു, അതിന്‌ ആകാശത്തോളം വ്യാപ്‌തി നല്‍കി എന്നതായിരിക്കാം. സ്വന്തം രചന പ്രസിദ്ധീകരിക്കാന്‍ ആരുടെയെങ്കിലും ഇഷ്ടത്തേയും താല്‍പര്യങ്ങളേയും അമിതമായി ആശ്രയിക്കേണ്ട അവസ്ഥയില്‍ നിന്ന്‌ മനസ്സിലുള്ളത്‌ ലോകത്തിന്റെ ഏതു മൂലയിലും എത്തിക്കാന്‍ കഴിയുന്ന തരത്തില്‍ സാങ്കേതികത അവരുടെ ഭാവനയ്‌ക്കു സഞ്ചാരപാത നല്‍കിയിരിക്കുന്നു. വായനക്കാര്‍ക്കും അവര്‍ക്കു താല്‍പര്യമുള്ള സാഹിത്യം താല്‍പര്യമുള്ള സമയത്ത്‌, താല്‍പര്യമുള്ളത്ര തവണ വായിക്കാം. അവനവന്‍ പ്രസാധകന്‍ എന്ന പ്രവണതയുടെ ഗുണ-ദോഷങ്ങളെ കുറിച്ച്‌ എത്ര ചര്‍ച്ചകള്‍ നടന്നാലും മാറുന്ന കാലത്തിന്റെ മാധ്യമങ്ങള്‍ നല്‍കുന്ന സാധ്യത കാണാതിരിക്കാനാവില്ല തന്നെ. വൈവിധ്യമാര്‍ന്ന ചിന്തകള്‍, ഒന്നിനൊന്നു വ്യത്യസ്‌തമായ രചനാശൈലികള്‍... ഇതിനെല്ലാമുപരി നിര്‍ഭയമായ ആവിഷ്‌കാരം... സെന്‍സര്‍ഷിപ്പു കൊണ്ടു കടിഞ്ഞാണിടാന്‍ ഒരു കാലത്തും കഴിയാത്ത സൃഷ്ടിപരതയുടെ ഈ ആഘോഷത്തെ വസന്തം എന്നല്ലാതെ എന്താണു വിശേഷിപ്പിക്കുക.
Subscribe to:
Posts (Atom)